بلدي .. يا نسمة صبح

 

بلدي يا نسمة صبح

ع حدود الألم غفيان

يا قطرة ندى تصحي

الفرح بقلب تعبان
بلدي يا شعاع شمس
يخترق نورو المدى السكران
يا وردة جورية عطرها
تغلغل بالروح و الوجدان
بالمروج عصافيرك تطير
و تهدي ع سجر السنديان
فراشاتك الله زينها
بأحلى و أجمل الألوان
هون عريشة و هونيك
بين الخيزران ورد الإقحوان
و السوسنة تنفست و شكرت
ربها الرحمن
و الغيمات تجمعواعم يتسابقوا
يسقوا عشبك العطشان
رب السما من حبو إلك
بنزل مطر بعز حزيران
و ريحة ترابك بعد المطر
خمرة للقلب الولهان
بلدي يا بعد عمري
بأرضك ازرعيني
زهرة بيلسان 

مهداة إلى قريتي عين فيت المحتلة

ياسمين الشام

‫